| Markaðsmál / markaðssetning |
|
|
Síbreytileg viðfangsefni sem taka mið af veruleikanum; staðreyndum, frumleika, framsýni og skapandi hugsun – allt sambland af hlutlægum og huglægum atriðum sem gera markaðsmálin bæði ögrandi og spennandi verkefni. Innan markaðsmála rúmast nánast allir þeir verkþættir sem hugurinn getur fóstrað, og tilheyra vöru- og afurðaþróun með tilheyrandi markaðsaðgerðum. Markaðsmálin ganga ekki síður út að að halda fengnum markaðshlut og viðhalda því sem áunnist hefur, enda samkeppnin til staðar á öllum mörkuðum. Stöðugt endurmat og eftirfylgni er og stór þáttur í markaðsmálum, auk hönnunar, skipulagi dreifileiða, verðlagningu, auglýsingagerð, framleiðslu kynningingarefnis, rannsóknum, greiningum, álitsgerðum og áætlanagerð. Hugtakið markaðssetning, lýsir þeim aðgerðum og verkþáttum sem þarf til að koma vöru/þjónustu/hugmynd/boðskap á framfæri. Hugtakið hefur í seinni tíð fengið víðtækari merkingu, og orðið tískuorð innan fyrirtækja sem utan. Nú er allt markaðssett; fyrirlestrar, stjórnmálamenn, leiðtogar, stjórnmálaskoðanir/stefnumið, stjórnmálaflokkar, sveitarfélög, félagasamtök, mótmælaaðgerðir, stefna fyrirtækja (gjarnan á vistvænum nótum) o.s.frv. Markaðssetning á hefðbundnum vörum og þjónstu hefur tekið miklum breytingu síðustu árin; nú er frumkvæðið og sköpunargleðin síst minni en áður fyrr, og fyrirtæki fara frekar óhefðbundnar leiðir – og þykir ekki til tíðinda. Frumlegheit og sköpun eru lykilhugtök í markaðsssetningu, þegar tíðarandinn blæs til sóknar á hverjum degi með nýjum aðferðum sem þurfa að vera öðruvísi! Markaðsmál á öllum sviðum, skipulag og umsjón. |
